کیا فٹ بال سٹار میسی ایک بار پھر بارسلونا جا رہے ہیں؟

Samaa - Latest News

ارجنٹائن کے کپتان لیونل میسی کے والد جارج میسی کا کہنا ہے کہ انہیں نہیں لگتا کہ ان کا بیٹا ایک بار پھر ہسپانوی کلب بارسلونا میں کھیلے گا۔

جمعرات کو بارسلونا ایئرپورٹ پر رپورٹر سے بات کرتے ہوئے لیونل میسی کے والد کا کہنا تھا کہ میرا نہیں خیال کہ میسی بارسلونا واپس جائیں گے کیونکہ شرائط مناسب نہیں۔

ارجنٹائن کے 35 سالہ کھلاڑی لیونل میسی نے بارسلونا کو خیرباد کہہ کر 2021 میں فرانسیسی فٹ بال کلب پیرس سینٹ جرمین سے معاہدہ کیا تھا۔

پچھلے سال ارجنٹائن کو فٹبال ورلڈ کپ جتوانے والے کپتان لیونل میسی نے 13 سال کی عمر میں بارسلونا کو جوائن کیا تھا اور وہ ہسپانوی کلب کے ساتھ 35 ٹائٹلز بھی جیتے تھے۔

ہسپانوی کلب کے لیے انہوں نے اپنے پورے کیریئر میں 778 میچ کھیلے تھے جن میں ان کے مجموعی گول کی تعداد 672 تھی۔

February 17, 2023 at 10:52PM Posted By Sama News : https://ift.tt/V1E9pWO