چیف جسٹس کی الیکشن پر سیاسی جماعتوں کو مشاورت کی ترغیب خوش آئند ہے،چوہدری شجاعت

Samaa - Latest News

پاکستان مسلم لیگ ق کے مرکزی صدر اور سابق وزیراعظم چوہدری شجاعت حسین کا کہنا ہے کہ چیف جسٹس آف پاکستان کا الیکشن ڈیڈلاک ختم کرنے کیلئے تمام سیاسی جماعتوں کو مشاورت کی ترغیب دینا خوش آئند ہے۔

چوہدری شجاعت حسین نےاپنے ایک بیان میں کہا ہے کہ پاکستان کیلئے معاشی اور سیاسی استحکام لازم و ملزوم ہو گیا ہے۔ پاکستان مسلم لیگ نے ہمیشہ سے اس جانب توجہ مبذول کروائی ہے کہ سیاسی اختلافات کو پسِ پشت ڈال کر ملک کے وسیع تر مفاد کیلئے تمام سیاسی قوتوں کواکٹھے بیٹھنا چاہیے۔

چوہدری شجاعت حسین نے کہا کہ سیکرٹری جنرل طارق بشیر چیمہ کو یہ ذمہ داری سونپی گئی ہےکہ وہ وزیراعظم پاکستان میاں شہباز شریف اور سابق صدر آصف علی زرداری سمیت دیگر تمام سیاسی عمائدین سے ملاقاتیں کریں اور الیکشن کی بابت درمیانی راستہ نکالنے میں اپنا مثبت کردار ادا کریں۔

April 19, 2023 at 11:51PM Posted By Sama News : https://ift.tt/pUe9YtO