راولپنڈی، اسلام آباد اور لاہور میں بدھ کو ہونے والے امتحانات ملتوی

Samaa - Latest News

تحریک انصاف لانگ مارچ کے پیش نظر راستوں کے بندش کے باعث جڑواں شہروں میں او اور اے لیول جبکہ لاہور میں پنجاب یونیورسٹی کے امتحانات ملتوی کردیے گئے۔

برٹس کونسل نے راولپنڈی واسلام آباد میں بدھ 25 مئی کو ہونے والے کیمبرج آئی جی سی ایس ای بزنس اسٹڈیز اور اولیول بزنس اسٹڈیز کے پرچے منسوخ کردیئے۔

او اور اے لیول اے ایس لیول لاء اور سائیکالوجی، کیمبرج آئی جی سی ایس ای ڈیزائن اینڈ ٹیکنالوجی اور اے لیول میتھ کا پرچہ بھی منسوخ کردیا گیا۔

برٹش کونسل کے مطابق ملک کے دیگر حصوں میں کل ہونے والا امتحان معمول کے مطابق ہوگا جبکہ 26 مئی اور بعد کے امتحانی پرچے بھی شیڈول کے مطابق ہونگے۔

دوسری جانب پنجاب یونیورسٹی شعبہ امتحانات نے بدھ 25مئی کو ہونیوالے امتحانات ملتوی کردیے، ترجمان کے مطابق ملتوی ہونے والے امتحانات کی نئی تاریخ کا اعلان بعد میں کیا جائے گا۔

May 24, 2022 at 11:50PM Posted By Sama News : https://ift.tt/0dDaO4U