پی ٹی آئی قیادت کا اسلام آباد پولیس کے سامنے پیش ہونے کا فیصلہ

Samaa - Latest News

شہبازگل پر تشدد کے متعلق اسلام آباد پولیس کا عوامی اشتہار پر پی ٹی آئی قیادت نے اسلام آباد پولیس کے سامنے پیش ہونے کا فیصلہ کرلیا۔

پی ٹی آئی قائدین کل پولیس لائنزہیڈ کوارٹرز میں پیش ہوں گے اور شہبازگل پرتشدد سے متعلق پولیس کے روبرو بیان دیں گے۔

ترجمان تحریک انصاف کے مطابق فوادچوہدری، شیریں مزاری اور علی نوازاعوان بیان ریکارڈ کروانے پولیس لائنزہیڈ کوارٹرز جائیں گے۔

واضح رہے کہ گزشتہ روز اسلام آباد پولیس نے شہباز گل پر مقدمہ اور مبینہ تشدد سے متعلق بیان قلمبند کرانےکے لیے اشتہار جاری کیا تھا۔

اسلام آباد پولیس کی جانب سے جاری کیے گئے اشتہار میں کہا گیا ہے کہ شہبازگل پر تشدد سے متعلق کسی کے پاس کوئی شہادت ہے تو اپنا بیان ریکارڈ کرادے۔ اس حوالے سے کوئی بھی شہری آئی جی اسلام آباد کے دفتر میں بیان قلم بندکراسکتا ہے۔

August 19, 2022 at 11:39PM Posted By Sama News : https://ift.tt/gGm7yn8