وزیراعظم شہباز شریف اور سابق صدر آصف علی زرداری نے ڈاکٹر خالد مقبول صدیقی سے رابطہ کیا اور کراچی و حیدرآباد میں بلدیاتی انتخابات سمیت دیگر معاملات پر گفتگو کی ہے۔ ایم کیو ایم کنوینر کا کہنا ہے کہ آج رات تک معاملہ حل کرنے کی یقین دہانی کروائی گئی ہے۔
کراچی و حیدر آباد میں بلدیاتی انتخابات اور حلقہ بندیوں پر تحفظات کے معاملے پر سابق صدر آصف زرداری نے ڈاکٹر خالد مقبول صدیقی سے ٹیلیفونک رابطہ کیا اور آج رات تک معاملے پر پیشرفت کی یقین دہانی کروادی۔
آصف زرداری نے ایم کیو ایم رہنماء کو معاملہ افہام و تفہیم سے حل کرانے کی یقین دہانی کروائی۔
ڈاکٹر خالد مقبول صدیقی نے ٹیلی فون کرنے پر سابق صدر کا شکریہ ادا کیا۔
رہنماء ایم کیو ایم کا کہنا ہے کہ سندھ کابینہ کے فیصلوں پر عملدرآمد کی امید ہے۔
آصف زرداری کے بعد وزیراعظم شہباز شریف نے بھی ایم کیو ایم کنوینر ڈاکٹر خالد مقبول صدیقی سے رابطہ کیا اور ایم کیو ایم پاکستان کے تحفظات دور کرنے یقین دہانی کرائی۔
ایم کیو ایم کنوینر ڈاکٹر خالد مقبول صدیقی نے بہادر آباد مرکز کے باہر صحافیوں سے غیررسمی گفتگو کرتے ہوئے کہا کہ آصف علی زرداری سے رابطہ ہوا اور مثبت بات ہوئی، امید ہے زرداری صاحب اپنا کہا پورا کرتے ہیں۔
ایم کیو ایم پاکستان کے کنوینر نے واضح کیا کہ مطالبات پورے نہ ہونے کی صورت میں 2 گھنٹے بعد پارٹی قیادت دوبارہ بیٹھے گی، جس میں لائحہ عمل طے کیا جائے گا۔
ایم کیو ایم کا ہفتہ کا اجلاس ملتوی
ترجمان ایم کیو ایم پاکستان کا کہنا ہے کہ کل (ہفتہ کو) ہونیوالا پارٹی کا اجلاس ناگزیر وجوہات کی بناء پر ملتوی کردیا گیا، اجلاس پی آئی بی کے ایم سی گراؤنڈ ہونا تھا۔
ترجمان کے مطابق اجلاس کی نئی تاریخ کا اعلان بعد میں کیا جائے گا۔
January 13, 2023 at 11:27PM Posted By Sama News : https://ift.tt/43Mk8JT
Comments
Post a Comment