ریڈیوپاکستان پشاورکا مرکزی گیٹ چُرانے والا ملزم گرفتار

Samaa - Latest News

پشاورمیں ریڈیوپاکستان کے مرکزی گیٹ کوچُرانے والا ملزم گرفتارکرلیاگیا ، ملزم نے دروازہ کباڑی کو نوہزارمیں فروخت کیا تھا ، جس پر پولیس نے دکاندارکوبھی شامل تفتیش کرلیا ۔

تفصیلات کے مطابق پشاورکے تاریخی ریڈیواسٹیشن پرپہل کر کے دھاوا بولنے والے مرکزی ملزم کو پولیس نے دھر لیا۔ ملزم نے 10 مئی کو احتجاج کے دوران ریڈیو اسٹیشن کا مرکزی دروازہ توڑاتھا۔ جس کے بعد مظاہرین نے اندر داخل ہوکرریکارڈ اورعمارت کو جلا ڈالا۔

پولیس نے ملزم کو گرفتار کرکے گیٹ برآمد کر لیا اور گیٹ خریدنے والے کباڑیے کو بھی شامل تفتیش کرلیا ۔ملزم عمر نے ریڈیو پاکستان کا گیٹ کباڑی پرنو ہزارروپے کا فروخت کیا تھا۔

پولیس اب تک ریڈیو پاکستان حملے میں ملوث 43 ملزموں کر گرفتار کر چکی ہے۔ جبکہ دیگر ملوث افراد کی شناخت کا عمل بھی جارہی ہے۔

May 20, 2023 at 12:29AM Posted By Sama News : https://ift.tt/ktL3iMS